ఆంధ్రాకు 470 మెట్రిక్ టన్నుల ఆక్సిజన్ ను కేటాయించిన కేంద్రం

• మొదటిసారి కార్గో విమానం ద్వారా ఆక్సిజన్ నింపేందుకు ఖాళీ వాహనాలు పంపుతున్నాం

• రాబోయే రోజుల్లో రోజుకు రెండు గానీ, రెండు రోజులకు నాలుగు కానీ టాంకులు పంపుతాం..

• రాష్ట్రంలో ప్రతీ రోజూ 20 వేల మందికి ఆక్సిజన్ అందిస్తున్నాం..

• కోవిడ్ కేర్ సెంటర్స్ ప్రత్యేకాధికారి ఎం.టి.కృష్ణబాబు


విజయవాడ: ముఖ్యమంత్రి వై.ఎస్. జగన్మోహనరెడ్డి అవసరమైన వారికి తక్షణం ఆక్సిజన్ ను అందించేందుకు చర్యల్లో భాగంగా భారత ప్రభుత్వంతో మాట్లాడి మిలటరీ కార్గో విమానాలను రాష్ట్రానికి రప్పించడం జరిగిందని రాష్ట్ర కోవిడ్ కేర్ సెంటర్స్ ప్రత్యేకాధికారి, రవాణాశాఖ ముఖ్యకార్యదర్శి ఎం.టి. కృష్ణబాబు తెలిపారు. శనివారం గన్నవరం విమానాశ్రయం నుండి ఒరిస్సాలోని అంగూలకు రెండు ఖాళీ ఆక్సిజన్ టాంకర్లను భువనేశ్వర్ ద్వారా పంపేందుకు రాష్ట్ర ప్రభుత్వం తరుపున కృష్ణబాబు పర్యవేక్షించారు. ఈ సందర్భంగా కృష్ణబాబు మాట్లాడుతూ కోవిడ్ తీవ్రత దృష్ట్యా ఎక్కువ మందికి ఆక్సిజన్ అందించాల్సిఉందని, 90 శాతం కంటే తక్కువ ఆక్సిజన్ లెవెల్ ఉన్నవారికి ఆక్సిజన్ అందించాల్సి ఉందన్నారు. రాష్ట్ర ప్రభుత్వం ఆక్సిజన్ సరఫరా నియంత్రణ, పర్యవేక్షణకోసం ప్రత్యేక సెల్ ను రాష్ట్ర స్థాయిలో ఏర్పాటు చేసామన్నారు. రాష్ట్రంలోని విశాఖపట్నం స్టీల్ ప్లాంటు ఆర్ఐఎన్ఎల్ ప్లాంటు ద్వారా 70 మెట్రిక్ టన్నుల ఆక్సిజన్ ను రాష్ట్రానికి కేటాయించడం జరిగిందన్నారు. రాష్ట్రంలోని మిగిలిన ప్రాంతాల్లో సుమారు వివిధ ఏజెన్సీల ద్వారా 250 మెట్రిక్ టన్నుల ఆక్సిజన్ లభ్యత ఉందన్నారు. మరో 170 మెట్రిక్ టన్నుల ఆక్సిజన్ ను చెన్నై, బళ్లారి, ఒరిస్సాలోని అంగూల్ నుండి తీసుకురావాల్సి ఉందన్నారు. రాష్ట్రంలో ఆక్సిజన్ కొరత లేకుండా చూసేందుకు ముఖ్యమంత్రి దిశానిర్దేశంలో పకడ్బందీ కార్యాచరణ ప్రణాళికను అమలు చేస్తున్నామన్నారు. ప్రతిరోజూ 2 టాంకులు, రెండు రోజుల్లో 4 టాంకులు గానీ కార్గో విమానాల ద్వారా పంపించి ఆక్సిజన్ రాష్ట్రానికి తీసుకురావడం జరుగుతుందన్నారు. ఇందుకు ఎయిర్ పోర్టు అథారిటీ డైరెక్టరు జి.మధుసూధనరావు, ఆపరేషన్ మేనేజరు అంకిత్ జైస్వాల్, ఇతర అధికారులు పూర్తి స్థాయిలో సహాయ సహకారాలు అందిస్తున్నారన్నారు. ఖాళీ ఆక్సిజన్ టాంకర్లను నింపి తిరిగి వచ్చేవరకూ మొత్తం వ్యవస్థను రాష్ట్రస్థాయి ఉన్నతాధికారి ఎస్.షన్మోహన్ వ్యక్తిగతంగా పర్యవేక్షిస్తున్నారన్నారు. ప్రస్తుతం ఈ రోజు పంపిస్తున్న రెండు టాంకర్లు మొత్తం కెపాసిటి 46 మెట్రిక్ టన్నులు అన్నారు. రహదారి ద్వారా పంపే ఆక్సిజన్ టాంకర్లలో గాలి నింపి పంపడం జరుగుతుంది. అయితే విమానయాన భద్రతాచర్యల్లో భాగంగా ఆక్సిజన్ టాంకర్లను ఖాళీ చేసి పంపిస్తున్నామన్నారు. మొదటిసారి కార్గో విమానాల ద్వారా ఖాళీ వాహనాలను పంపేందుకు ఖాళీ చేయడం వలన కొంత జాప్యం జరిగిందన్నారు. ఈ అనుభవంతో భవిష్యత్తులో మరింత వేగంగా వాహనాలను విమానం ద్వారా పంపడానికి సులభతరం అవుతుందన్నారు. ఒరిస్సాలోని అంగూల్ లో నింపిన ఆక్సిజన్ టాంకులు తిరిగి రాష్ట్రానికి గ్రీన్ ఛానల్ ద్వారా రాష్ట్రానికి తీసుకువస్తామని కృష్ణబాబు తెలిపారు. ఇందుకోసం ప్రత్యేక రవాణా వ్యవస్థ పర్యవేక్షణను చేపడుతున్నట్లు ఆయన వివరించారు. నింపిన ఆక్సిజన్ వాహనాలు రాష్ట్రానికి రావడానికి రెండు రోజుల సమయం పడుతుందన్నారు. ఆక్సిజన్ సమర్ధవంతంగా వినియోగించుకునేందుకు వైద్య ఆరోగ్యశాఖ, రెవెన్యూ, పోలీస్, తదితర శాఖలతో సమన్వయ కమిటీని ఏర్పాటు చేసి నిరంతరం పర్యవేక్షిస్తున్నామన్నారు. స్థానిక ఎయిర్ పోర్టులో ఇండియన్ ఆర్మీవారి కార్గో విమానంలో రెండు వాహనాలను ఎక్కించే ప్రక్రియను ఉన్నతాధికారి షన్మోహన్ వ్యక్తిగతంగా పర్యవేక్షించడం జరిగింది. ఈ ప్రక్రియలో రాష్ట్ర ప్రత్యేకాధికారి షన్మోహన్, ఎయిర్ పోర్టు అథారిటీ డైరెక్టరు జి.మధుసూధనరావు, ఆపరేషన్ మేనేజరు అంకిత్ జైస్వాల్ తదితరులు పాల్గొన్నారు.

ఈ బ్లాగ్ నుండి ప్రసిద్ధ పోస్ట్‌లు

డాక్టర్ అధినారాయనను అభినందించిన రాష్ట్ర పర్యాటక శాఖ మంత్రి అవంతి శ్రీనివాస్

విశాఖపట్నం: టుడే న్యూస్,  జనవరి:-27 పేదల వైద్యుడిగా, పోలియో వ్యాధి బాధితుల పాలిట ఆత్మబంధువుగా పేరు గాంచిన ప్రముఖ వైద్యుడు సుంకర వెంకట ఆదినారాయణ రావుకు పద్మశ్రీ పురస్కారం లభించడం మన తెలుగు వారందరికీ గర్వకారణమని రాష్ట్ర పర్యాటక శాఖ మంత్రి ముత్తంశెట్టి శ్రీనివాసరావు అన్నారు ఇటివల కేంద్రం ప్రకటించిన పద్మ పురస్కారాలలో ఆయనకు పద్మశ్రీ పురస్కారం లభించిన సంగతి తెలిసిందే. ఈ సందర్భంగా మంత్రి ఆదినారాయణరావును ఆయన నివాసంలో కలిసి ఘనంగా సన్మానించారు. ఈ సందర్భంగా మంత్రి మాట్లాడుతూ.. 50 ఏళ్లుగా వైద్య రంగంలో ఎన్నో శిఖరాలు అధిరోహించారని మంత్రి కొనియాడారు. పోలియో ఆపరేషన్స్ లో వరల్డ్ రికార్డు సాధించడం ఎంతో గర్వించే విషయమని అన్నారు. వైద్యరంగంలో ఆయన చేసిన సేవలను గుర్తించిన కేంద్రం ఆయనకు పద్మశ్రీ పురస్కారం అందించడం సంతోషంగా ఉందని అన్నారు. ఆయనకు దక్కిన పద్మ పురస్కారం మొత్తం వైద్యరంగానికే వచ్చిన గుర్తింపు అని మంత్రి అన్నారు. ఓపక్క వైద్య వృత్తితోపాటు మరోపక్క వైద్య రంగంలో విద్యార్ధులను నిష్ణాతులుగా తీర్చిదిద్దడంలో ఆయన చేసిన కృషి ఎనలేనిదని అన్నారు. రాబోయే రోజుల్లో ఆయన మరింత మంది పేద ప్రజలకు వైద్యం అందించాలని మం...
మరింత చదవండి

సీనియర్ జర్నలిస్ట్ హేమ సుందర్ కు శ్రీశ్రీ కళావేదిక ఆత్మీయ సత్కారం

చిత్రం
విశాఖపట్నం,ఎన్ఎన్ఇ న్యూస్: నగరానికి చెందిన సీనియర్ జర్నలిస్ట్ నేమాల హేమ సుందరరావు శ్రీశ్రీ కళావేదిక ఆత్మీయ సత్కారాన్ని అందుకున్నారు. మహాకవి శ్రీశ్రీ 112 వ జయంతి సందర్భంగా శ్రీ శ్రీ కళా వేదిక ఆధ్వర్యాన ఆంధ్రా యూనివర్సిటీలోని డాక్టర్ బి.ఆర్ అంబేద్కర్ అసెంబ్లీ హాల్లో శనివారం జాతీయ శతాధిక కవి సమ్మేళనం నిర్వహించారు. జాతీయ స్థాయిలో నిర్వహించిన ఈ కవి సమ్మేళనానికి పెద్ద సంఖ్యలో కవులు రచయితలు హాజరయ్యారు.  ఈ నేపథ్యంలో శ్రీ శ్రీ కళా వేదికకు సీనియర్ జర్నలిస్ట్ హేమ సుందర్ అందిస్తున్న మీడియా సహకారానికి కృతజ్ఞతగా ఆ సంస్థ ఛైర్మన్ డాక్టర్ కత్తిమండ ప్రతాప్, జాతీయ అధ్యక్షులు డాక్టర్ ఆరవల్లి నరేంద్ర ఇతర ప్రతినిధులు పూలమాలవేసి దుశ్శాలువతో సత్కరించి జ్ఞాపికను అందించారు.
మరింత చదవండి

బ్రాహ్మణ సామాజిక అభివృద్ధి కూటమి గెలుపుతోనే సాధ్యం

చిత్రం
   విశాఖపట్నం, 2024, మే 9, టుడే న్యూస్ : గురువారం భీమిలి నియోజకవర్గము లో రాష్ట్రీయ బ్రాహ్మణ సంఘటన ఉమ్మడి విశాఖ జిల్లా అధ్యక్షులు, బ్రాహ్మణ కార్పొరేషన్ మాజీ సమన్వయకర్త కిరణ్ కుమార్ శర్మ  అధ్యక్షతన బ్రాహ్మణ ఆత్మీయ సమావేశం నిర్వహించబడింది. కార్యక్రమములో ముఖ్య అతిథులు గా పాల్గొన్న కూటమి పార్లమెంట్ అభ్యర్ధి  భరత్,  భీమిలి నియోజకవర్గ ఉమ్మడి అసెంబ్లీ అభ్యర్ధి గంటా శ్రీనివాసరావు తనయుడు గంటా రవితేజ  మాట్లాడుతూ దేశములో మొట్టమొదటిసారిగా బ్రాహ్మణ జాతి అభివృద్ధికి కార్పొరేషన్ ను ఏర్పాటు చేసిన ఘనత  నారా చంద్రబాబునాయుడు కి దక్కుతుంది అన్నారు. ఉమ్మడి మేనిఫెస్టో లో కూడా బ్రాహ్మణులకు ప్రాధాన్యం ఇచ్చామన్నారు. రేపు అధికారంలోకి వచ్చాక బ్రాహ్మణుల హక్కులను కాపాడుతూ వారి అభివృద్ధికి కృషి చేస్తామని చెప్పడం జరిగింది. కార్యక్రమములో బ్రాహ్మణ ప్రముఖులు సుసర్ల హరి, పరిమి నాగేంద్ర, పురుషోత్తమరాజు, రామశాస్త్రి, బాబీ, ప్రైవేటు అర్చక పురోహిత సంఘ సభ్యులు  కాళిదాసు, సుదీర్, బాలు శర్మ,  కృష్ణశర్మ, కామేశ్వర శర్మ, శివగణేష్, విస్సు, మొదలైనవారు పాల్గొన్నారు.
మరింత చదవండి